ناندیڑ،12؍مئی (ایس او نیوز؍ آئی این ایس انڈیا ) مہاراشٹر کے مراٹھواڑہ علاقے میں لاتور-مکھیڑ روڈ پر مکھیڑ کے پاس آج ایک آٹو اور ٹینکر آپس میں ٹکر گئے، جس میں بارات جانے والے کم سے کم 14 لوگوں کی موت ہو گئی اور 20 دیگر زخمی ہو گئے۔ بارات جانے والے لوگ ٹیمپو میں سوار تھے اور ہلاک ہونے والوں میں زیادہ تر خواتین شامل ہیں۔ذرائع سے موصولہ اطلاعات کے مطابق یہ حادثہ آج صبح تقریبا آٹھ بجے ناندیڑ سے 80 کلومیٹر دور اس وقت ہو ا جب باراتیوں کو لے کر ٹیمپو ضلع لاتور میں نلانگا سے مکھیڑ کی طرف جا رہی تھی۔ رپورٹ کے مطابق واقعہ کی اطلاع پا کر پولس جائے وقوعہ پر پہنچ گئی اور مقامی لوگوں کی مدد سے ریلیف مہم چلائی۔